99
[i56i]
DE LA VILLE DE PARIS.
culier, duquel le .publicq ne se peult aucunement ressentir ny accommoder, et - s'il a esté faict par cy devant aulcune promesse aud. sr de Villemor, ou autre pour luy, de luy en bailler et faire part des fontaines particulieres1, ce n'est du faict du Prevost et Eschevins qui sont à present, et n'en ont eu et
n'ont aulcune congnoissance. Et quant lad. promesse ou aucun contract auroyt esté faict, que non elle debvroyt estre résolue comme nulle, attendu les lettres patentes du Roy, par lesquelles il veult toutes fontaines particulieres estre retranchées et remises au publicq.
CLIV. — Pour la recherche des estrangers.
26 juillet i56i. (Fol. 97 v°.)
De par les Prevost des Marchans et Eschevins de la ville de paris.
«Sire Jehan de Sainct Germain, Quartenier de lad. Ville, nous vous mandons, que suivant le com­mandement verbal qui feust hier faict à moy, Prevost des Marchans, estant à Sainct Germain en Laye par le Roy et la Royne, sa mere, que prompte­ment vous ayez, accompaigné de voz Cinquante­niers et Dixiniers, chacun en sa Cinquantaine et Dixaine, à aller par toutes les hostelleryes et lieux où ont acoustumé se retirer et loger les estran­gers et passans par cestedicte Ville et faulxbourgs,
pour vous enquerir et faire description de ceulx qui y sont pour le jour d'huy logez, ct depuis quel temps, avecq leurs noms et qualitez, et faictes com­mandement de par led. S''et nous à tous lesd, hostes qu'ilz ayent anous mander par escript signé de leur main par cy apprès, de sepmaine en sepmaine, la qualité et nombre des personnes qui arriveront en leursdictes hostelleryes; et n'y faictes faulte et de nous rapporter dans demain, s'il est possible, les roolles de ce quc aurez trouvé en vosd. quartiers, pour en rendre lesd. S™ et dame certains.
"Faict.au Bureau dc lad. Ville, le vingt sixiesme jour de Juillet, l'an mil cinq cens soixante et ung."
CLV. — Assiette de la premiere pierre du quay Sainct Michel.
4 août i56i. (Fol. 98 r°.)
Du lundi, 1111e jour d'Aoust mil v° lxi.
Au jourd'huy, a estée myse la premiere pierre du fondement du quay Sainct Michel en la presence de monsr le Prevost des Marchans de Marle, messieurs Godeffroy et Sanguin, Eschevins, me Guillaume Guil-
lain, me des œuvres de maçonnerye de lad. Ville, et les entrepreneurs du bastiment dud. quay. Et ont niesd. s" maçonné lad. premiere pierre avecq la truelle et la chaulx, et ont donné ausd, entrepreneurs troys escus pour le vin et ung escu pour les pionniers.
CLVI.
ASSEMRLÉE POUR LE FAICT DES ESTATZ. 7 août i56i. (Fol. 98 r°.)
Du jeudi, vil" jour d'Aoust.
En Assemblée le jour d'huy faicte en l'Hostel de la ville de Paris de Mess" les Prevost des Marchans, Eschevins et Conseillers de lad. Ville, pour adviser sur la conclusion du Tiers Estat tenu en la salle episcopalle le dernier jour de May mil v° lxi, en laquelle se sont trouvez :
Mons' Godeffroy, monsr- Aubery, monsr Sanguin, monsr Hac, Eschevins;
Monsr d'Athis, monsr Du Gué, monsr de Raveneil,
mons'"Larcher, monsr Palluau, mons' Perrot, Con­seillers de lad. Ville.
A esté conclud que le Bureau de la Ville doibt envoyer monsr le Procureur de lad. Ville à Ponthoyse vers monsr le Chancelier pour entendre le jour qu'il fault comparoir pour le Tiers Estat <L>, et ce pen dant faire assemblée generalle de Mess" les Conseillers, Quarteniers et quatre notables bourgeoys de cha­cun quartier pour proceder à l'eslection d'ung qui sera delegué pour y aller, et de celuy qui luy tien­dra compaignyée.
O Le Prévôt de Paris fit publier à son de trompe, le 2 août, un ordre du Roi du 29 juillet, convoquant à Pontoise les députés des trois Etals du royaume à la dale du i"r août, et une autre ordonnance royale du 2 août interdisant formellement, pour obvier au désordre et à la confusion qui pourraient se produire, la venue aux États de gens autres que les députés de3 provinces. [Archives nationales, Châtelet de Paris, Bànnims, Y ii, fol. 1 a '1 v°, 120 r°.)
i3.